江苏海门市三厂街道新东社区 双簧《恋爱趣事》

　　两人搭档，一个人通过方言海门话幽默的陈述，一个人通过动作表演憨厚、老实的单身汉诉说自己的恋爱经过和趣事，令人捧腹。

　　我姓彭，名叫彭、定、堂，个子长得勿大高，有点像武大郎。不过，面孔还算蛮漂亮。唉！漂亮又有啥用场，我的苦处倒有一箩筐：前前后后我对象看了两三打，至少也有一个排，到头来个个全、泡、汤！勿是女方要求高，就是我看看不理想，后来又有人帮我介绍了一个对象，伊个名字叫小芳！（唱）村里有个姑娘叫小芳，长得美丽又大方，一双美丽的大眼睛，辫子粗又长——。我越看越称心，越看越理想，围牢仔小芳姑娘，看了前，看了后，看了上，看了下，小芳姑娘单勿宁拨我看来头盘冲到地上厢。为了这桩婚事成功，我勒得小芳个爷娘门前，爹爹短，姆妈长，爹爹姆妈得勒咀上厢。后来小芳个爷娘总算答应勒，我是开心来像年初一吃着甜酒酿，单想跳来单想唱。（唱）我脱小芳谈了恋爱，一直从高春到高冬，三天两头电话通通，经常一道抱抱哄哄，卟！卟！这一天，我着了三清四落，到小芳个屋里认丈人，送通风。听见新女婿上门，大人小官喜气洋洋，吃饭个辰光，小餐多来数也数勿清爽，有鱼、有肉、又有汤，横一只、竖一只，连答筷也口无得地方放，我先吃鱼，啥人晓得鱼骨头哽在胡龙里，呃、咳、呃、咳。我又吃肉，啥人晓得筷子勿宁夹得牢，肉皮挂在嘴唇上，我想去拿，肉皮吱——朝下落，正好滑到下巴上，我又想去拿，肉皮又吱——朝下落，我头盘低下来一看，肉皮齐巧挂在台横挡上，我面孔上一副尴尬相！还好，这息辰光我里丈人帮个忙，伊脱勒我俚阿舅郎话：你脱你个姐夫郎到外头闹猛闹猛，担炮仗放放，我拿了一筒炮仗跑到场心里厢，我拿了一只炮仗，朝地上一放，一点，哄——蓬，叭！哈哈！再放一只，一点：哄——蓬——叭！哈哈哈！再放一只。一点：哄——哄（稍埂）蓬——叭！